أول معهد أزهري خاص للغات في جمهورية مصرالعربية
 
الرئيسيةاليوميةس .و .جبحـثقائمة الاعضاءالمجموعاتالتسجيلدخول

شاطر | 
 

 انا عصبية جدا....اعمل اية

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
dr-totyfroty



عدد المساهمات : 19
تاريخ التسجيل : 14/01/2010

مُساهمةموضوع: انا عصبية جدا....اعمل اية   الخميس يناير 14, 2010 11:04 am

السلام عليم.......... انا عضوة جديدة في الممنتدى,وسعيدة جدا اني حاكون معاكوا, علشان ااستفيد من ارائكم الجميلة اللي بقرأها في المنتى Smile وانا عندي مشكلة عايزه اسألكم احلها ازاي؟؟؟؟ فانا عصبية جدا مع اولادي <انس فيkg2 وجنى عندها اربع سنين طول النهار خناقات وضرب في بعض علشان لعبة ..قلم ..كتاب المهم يتخنقوا وخلاص وانا زوجي ضابط وعلطول مش موجود واحنا الثلاثة وشنا في وش بعض على طول ..ومن كتر ماانا حاسة اني عايشة لوحدي فبطع زهقي فيهم وبزعق لهم على كل حاجة وبعدين بيصعبوا عليا وقول هما ذنبهم ايه واتفق مع نفسي كل يوم باليل اني حاغير معاملتي معاهم بس الما بصحى ولاقي نفسي في نفس الملل اللي انا فية بحس بجد اني مخنوقة و برضوا بزعق لهم وازعل منهم ............................نفسي اكون ام كويسة اعمل ايه؟؟؟؟؟؟
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
rahoom



عدد المساهمات : 38
تاريخ التسجيل : 18/11/2009

مُساهمةموضوع: رد: انا عصبية جدا....اعمل اية   الجمعة يناير 15, 2010 1:07 am

و عليكم السلام و رحمة الله و بركاته،
و الله ما عرفت انام قبل ما ارد عليكى . أولا احنا متفقين على حاجة ان اولادنا نعمة كبيرة قوى من ربنا و كونهم بخير و كويسين و صحتهم كويسة بالدنيا و ما فيها.والدتى كانت دائما تقول لى ان ظفر أحدهم بالدنيا.و لو احنا عشنا من غير اولاد اعتقد كنا حنبقى اكثر عصبية و اكتئاب.طيب المشكلة دلوقتى انك حاسة ان جوزك على طول مش موجود و ده اصلا كفيل انه يعصب اى زوجة فى الدنيا.بس بالعقل كده حتلاقى كلنا ازوجنا مشغولين و مش موجودين و صدقينى لما الاولاد يكبروا شوية كمان حتقولى يا سلام يا رب يتأخر نص ساعة كمان اكون خلصت اللى عايزة أعمله
من اسمك dr اعتقد دكتورة يعنى عاقلة و راكزة و توتى فروتى يعنى سكرة و زى العسل يبقى انتى اساسا دمك خفيف متقلاه على الولاد ليه بقى
انا عندى زيك ولد و بنت و بيحصل كل السيناريو اللى وصفتيه و نفس الزعيق و العصبية اوقات بسبب ضيق الوقت لانى مش بلحق اخلص كل حاجة و اوقات تانية بسبب الفراغ.
بصى بقى أساس التعامل مع الاولاد الصدق يعنى لو قلتى لحد فيهم لو عملت كذا و الله ما انت متفرج على الكارتون النهاردة يعنى التليفزيون يتقفل و مفيش رجوع فى الكلام نهائي حتى لو اتحايل عليكىو حتى لو ضرب دماغه فى الحيط تخيلى انك حاطة سماعات فى ودانك و كملى شغل البيت عادى جدا و لا حاجة حصلت.حتلاقى الطفل التانى بيتعلم لوحده انا لو عملت زى اخويا مش حاشوف اللى عايزه فحيتظبت بالتربية السلبية زى التدخين السلبى او زى المثل اضرب المربوط يخاف السايب.
اهم حاجة انك كل ما تتكلمى تأكدى على فكرة واحدة معاهم "أنتم عارفنى لما اقول اه يبقى اه لما اقول لا يبقى لا" و كل موقف يعدى تقولى الجملة دى و انتى مقتنعة و تعمليها بجد عشان يثقوا فى كلمتك لانهم حيعملوا لك اختبارات كتير عشان يتاكدوا انك بتقولى كده كلام و لا فعل.
تانى حاجة العدل اتخانقوا على حاجة متمشيش تلطشى فيهم و السلام اسمعى رأى كل واحد لوحده و الاتنين قصاد بعض و انتى كام حتعرفى القصة الصح و اكدى على جملة "انا عارفة ان كل واحد فيكم بيقول الحق لانكم ولادىالمؤدبين المتربيين بس أنا حاسة كده انها المفروض تبقى مع أنس " لو لقتيهم عيطوا و زعلوا و مرضيوش بحكمك خلاص الشئ ده يتشال منهم هما الاتنين و مش حيشوفوه الا لما يتصالحوا مع بعض و يتفقوا و لو متفقوش خلاص مش حيشوفوا اللعبة تانى بجد و تتحط فى دولابك مثلا فى مكان عالى .مرة على التانية حيكتشفوا ان خلافتهم بتقلل عدد اللعب اللى ممكن يلعبوا بيها مرتين تلاتة اول ما يشتكوا تقولى اتفقوا الاول و بعدين تعالوا قولولى وصلتوا لايه.
بس بقى لو أنس بيكتب الواجب بقلم و جنى مصرة تاخده منه لازم يبقى لك موقف عشان تحس ان الواجب مش لعبة و انه زى شغل بابا بالظبط محدش ينفع يبوظه. و تجيبى لها قلم تانى و لو مرضيتش خاصميها بجد يعنى متكلميهاش و لا تردى عليها و لو اردتى حاجة قولى لانس لو سمحت يا أنس قول لاختك كذا و كذا لانى مش باكلم اللى مش بيسمع الكلام و أصرى برضه على موقفك.مرة على التانية حتبطل تاخد حاجته لان ماما مش حتكلمها .
ثالث حاجة النظام يعنى لو انتى حطيتى خطة اسبوعية للخروج و زيارة الاقارب صلة الرحم بدل الكلام فى التليفون حيكون احسن وخطة يومية للاولاد فيها نشاط ذهنى و حركى مش حتلاقى وقت تتعصبى. و يا سلام لو عملتوا مسرح عرايس و اتفرجتى على ابداعتهم فى التاليف و الشخصيات من وحوش و حيوانات.اللى اكيد حتنتهى بخناقة عادى جدا ما هم اطفال و طبيعتهم كده

حاجة اخيرة نفسى اقولها لك انتى او أى زوجة حاولى ارجوكى متجبيش سيرة جوزك قدام الولاد باى شكل سلبى.يعنى يتكلمى حد فى التليفون و قلتى مثلا " اعمل ايه ما هما معايا طول النهار و باباهم سايبنا كده و لا بيقعد معانا و لا فارق فى حاجة " صدقينى بتكسرى صورة مهم جدا تكون كاملة و جميلة.
و عليكى بالدعاء لهم بالهدى والفلاح ربنا معاكى و ارجو اكون ساهمت فى خروجك من هذا المود
سلام
ريهام شاكر
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
أ.ندى عادل



عدد المساهمات : 62
تاريخ التسجيل : 21/12/2009

مُساهمةموضوع: رد: انا عصبية جدا....اعمل اية   الأحد يناير 17, 2010 11:46 am


السلام عليكم ورحمة الله وبركاته


هونى عليك أختى فالأمر بسيط إن شاء الله ما دمت قد علمت أين توجد المشكلة فدائما يقولون معرفة المشكلة 50% من حلها


ولذا يبقى عندنا معرفة الحل


قلت أن سبب العصبية الدائمة لديك غياب الزوج لفترات طويلة بسبب عمله وأنك تعانين من الوحدة والفراغ مما يؤثر على أبنائك
فالحل فى نظرى أولا أن تشغلى وقتك بما هو نافع ومفيد لك ولأبنائك ..

ضعى لنفسك هدف تصلين إليه وتسعين فى تحقيقه .. كحفظ القرآن الكريم وتعلم أحكام التلاوة سواء عن طريق حضورك بأحد المساجد أو عن طريق الإنترنت بالسماع الصحيح للعلماء فى علم التجويد وإلزام نفسك بالحفظ .. ولكن الأولى الذهاب لأماكن التحفيظ المعروفة

هذا مثل ضربته لك .. فانظرى وابحثى عن شىء تهتمين به وتودين النجاح فيه وبه ابدأى .. لا تتأخرى عندها ستجدين حياتك قد اختلفت للأفضل بكثير .. وليس هناك أهم من القرآن الكريم فهو شفاء لكل داء وأعظم علاج للعصبية جعلنا الله وإياك من أهل القرآن الذين هم أهله وخاصته.

الأمر الثانى هو الطريق لمعالجة العصبية :

فى البداية أختى الحبيبة عليك بالإكثار من الدعاء إلى الله عز وجل أن يُذهب غيظ قلبك ويُجيرك من الشيطان وقت غضبك وأن يرزقك الحلم و الأناة فهما صفتان يحبهما الله ورسوله صلى الله عليه وسلم.

ثم عليك لكى تتجنبى العصبية أن تضعى نفسك مكان أطفالك عند صدور الخطأ منهم .. فكرى بمستوى عقلهم وليس بمستوى عقلك أنت فعامليهم على قدر عمرهم لا على أساس أنهم كبار مثلنا يعلمون الصواب من الخطأ

فالطفل بطبعه مجبولا على الخطأ لا الصواب .. فعندما يصدر منه الصواب يحتاج للتشجيع لكى نزيده صوابا وإن أخطأ فهو الأصل عنده فيحتاج إلى التوجيه ولكن برفق كى لا يتحول الأمر لعناد أو ضعف للثقة فى النفس بأنه مخطىء والمخطىء ليس له مكان بيننا
فإن تكرر الخطأ ربما كذب لكى يخفى خطأه أو غير ذلك من الأشياء الكثيرة التى تسببها ضعف الثقة فى النفس وضعف الشخصية حفظ الله أبنائك وعافاهم من ذلك


و أنصحك أختى بالإطلاع على هذا الموقع وسماع ما به من محاضرات فهو خاص بالدكتور ياسر نصر حفظه الله المختص فى تربية الأبناء فتابعى برامجه واستمعى له فسيعينك إن شاء الله ذلك على تربية أبنائك بالطريقة التى يحبها الله ورسوله صلى الله عليه وسلم


الموقع الرسمى للدكتور ياسر نصر
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
ام ملك



عدد المساهمات : 21
تاريخ التسجيل : 21/12/2009

مُساهمةموضوع: انا عصبية جدا اعمل اية   الأحد يناير 17, 2010 10:09 pm

السلام عليكم اولا اختى الفاضلة لست وحدك فى تلك المشكلة انما الكثير منا وان اختلفت الظروف فانا شبيهة لكى الى حدا كبير الاانى عندى طفلة عمرها شهور مررت بالكثير فى حياتى خسرت بعض الاشياء التى قدترفع شانى الشخصى لكن ظللت صابرة واستعين بالله فى حياتى احاول ان اغير فىها حتى استطيع ان اكون قدوة حسنة لاولادى حاولى ان تجدى لحياتك معنا وهدف وان جربتى اكثر من واحد حتى تصلى الى مايريحك كفى ان تتاكدى انك افضل بكثيرا من غيرك Smile Smile Smile
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
انا عصبية جدا....اعمل اية
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى معهد الغد المشرق الأزهري :: موضوعات المنتدى :: للأمهات فقط-
انتقل الى: