أول معهد أزهري خاص للغات في جمهورية مصرالعربية
 
الرئيسيةاليوميةس .و .جبحـثقائمة الاعضاءالمجموعاتالتسجيلدخول

شاطر | 
 

 إزاي بتنظمي يومك؟؟؟

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
moslemwriter



عدد المساهمات : 72
تاريخ التسجيل : 15/12/2009

مُساهمةموضوع: إزاي بتنظمي يومك؟؟؟   الأربعاء ديسمبر 16, 2009 3:33 am

السلام عليكم و رحمة الله

الأخوات العزيزات

حابة اننا نشارك مع بعض جدول أو أفكار أو تصور ازاي كل واحدة بتضي اليوم أو بتنظم يومها أزاي و خصوصا اللي معاها أكثر من طفل
انا معاي بنت في أولي ابدائي و بنت تقريبا سنتين و بصراحة كثير بلاقي مشكلة عويصة جدا في تنظيم الوقت و إيجاد الوقت الكافي لشئونهم و شئون البيت و المسئولييات كلها

عاوزة اعرف انا لوحدي و لا إية؟؟

و هل في حد عندة ترجبة ناجحة في موضوع تنظيم الوقت بحيث ان البيت يكون ديما نظيف و الطبيخ خلصان و الاولاد عاملين الواجب و قعدتي معاهم و لعبتي معاهم و عملتي كل الأشياء و غيرها من المسئولييات أم أن دة حلم مستحيل تحقيقة؟؟؟؟!!!!!


مستنية ردكم كلكم و ياريت الرد يكون بتفصيل و بشرح شوية و المجرب طبعا احسن من الطبيب!!


ربنا يهدينا جميعا و يبارك لنا في الوقت و في أولادنا

lol! lol!
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
rahoom



عدد المساهمات : 38
تاريخ التسجيل : 18/11/2009

مُساهمةموضوع: رد: إزاي بتنظمي يومك؟؟؟   الأربعاء ديسمبر 16, 2009 8:06 am

السلام عليكم يا moslemwriter
و الله يا أختى انا كنت عاملة زيك كده كل ما اشوف حد اساله انت بتنظم وقتك ازاى؟ لحد ما الوقت اتنظم لوحده Very Happy
بصى يا سيتى آخر معلومة وصلتنى من محفظة القرآن انى ادعى ربنا و اقول يا مقيت و جربتها و الله ونفعت.بس انت عشان عايزة بالتفصيل حاقولك
انا عندى ولد فى ثالثة و بنت كى جى 2 و مضحكش عليكى لما كان ابنى فى اولى و بنتى 3 سنين كنت على طول باشتكى من الوقت و مش بالحق حتى اعمل ابسط حقوقى البشرية كدحول الحمام مثلا.بس هى المسألة تعود و مفيش حاجة اسمها جدول لانه طبيعى بيتكسر مع اى ظرف خارجى بس فيه خطوط عريضة ممكن تتعمل و خاصة لو واحدة بتشتغل زيى
الاساسيات : الطبخ - الغسيل - المذاكرة - تنظيف الشقة
الطبخ :
احنا نجيب خضار الاسبوع ونضفه و احنا بنتفرج على مسلسل او فيلم بس يا ريت عربى عشان متنشغليش بالقراية و تقعدى 3 ساعات فى حاجة تخلص فى نص ساعة و يا سلام لو بسلة و تقولى لابنك يساعدك منها لعب و منها هزار ومنها شغلانة و اتشالت عنك.و تحطى الخضار فى اكياس فى الفريزير.
تجيبى طماطم و بصل و تضربيهم مع بعض بكمية تكفى اسبوع و تقسميها على اكياس فى الفريزر .
ولا الطبخ اجدع طبخة فى الدنيا مش بتاخد اكتر من نص ساعة تحضير و ساعة تسويةو الرز خمس دقايق تحضير و نص ساعة تسوية يبقى الاكل كله ياخد منك ساعة و نص فى اليوم تعمليها لاالصبح او بالليل زى ما تحبى.
الغسيل:
طبيعى الاطفال الضغيريرن غسيلهم كتير و خاصة لو فيه تمارين فى النادى او زيارات مستمرة و عندك السنتين دى اكيد بتفعكش فى كل حاجة طيب الغسالة امكانيتها تشتغل مرتين بينهم مالا يقل عن 8 ساعات لصيانتها انا باحط شوية غسيل الصبح و اطلع غسيل بالليل انشره واول ما جى من الشغل انشر عسيل الصبح و بالليل احط شوية كمان الموضوع ده منتظم فى الصيف لان الغسيل بينشف بسرعة اما فى الشتا بيبقى مرة واحدة فى اليوم.و مشكلتى انا الشخصية التطبيق لانه ممكن يقعد يومين كده من غير تطبيق و يبقى تل هدوم اجيبه بالليل بعد ما الاولاد تنام او وانا باسمع لابنى اى درس و اطبقه.
المذاكرة :
لو استطعتى ان تنظمى وقت المذاكرة و تأكدى انك لا تحتاجين اكثر من ساعتين يوميا يقسمو حسب عمر الطفل لان قدرة استيعاب الاطفال هى عمرهم +2 يعنى لو طفل عنده 6 سنوات حيركز معاكى 8 دقايق شرح بس و ممكن يحل بعدها نص ساعة لوحده.حتلاقى نفسك بتضيعى وقت كتير شرح للطفل و هو فاصل اصلا الشوية الاولانيين بس هما اللى دخلوا و الباقى مشاكسة يبقى استغلى الوقت الباقى فى الحل.انا باطبع لاولادى شيتات المراجعة و باصورلهم البوكليت عشان يحلوا تانى عشان المعلومة تسبت.و ربنا هو المعين
نظافة الشقة:
باستعين بواحدة بتجيلى مرة فى الاسبوع عشان الحاجات الصعبة عليا زى تنفيض الشبابيك و تلميع النجف بس مضحكشي عليكى انا بانضف يوم و يوم اوضة واحدة بس.و زى ما تيجى بقى و الحمد لله زوجى عامل مش واخد باله.

استعينى بالله و فكرى ازاى تساعدى نفسك و حطى المواعيد اللى ضرورى بتحصل زى التمارين الدروس القرآن و النووووووووووووووووم
نصيحة أخيرة اطفى التليفزيون و استعملى الكمبيوتر فى اضيق الحدود و افصلى التليفون لما تيجى تنامى او لما تكونوا بتذاكروا .لقد طلب منا الرسول الاستئذان ثلاث و مكنش عندهم تليفونات يعنى حد كلف خاطره و راح زار حد و خبط ثلاث مرات و التانى مردش المفروض يمشى و هو مش زعلان على المشوار فمابالك بالتليفون الوقت اللى تحسى انك محتاجة تخلصى فيه حاجة معينة ركزى فى الحاجة دى لحد ما تخلص و ساعتها حتحسى ان نفسيتك استريحت و بقى عندك وقت انتى شخصيا تمسكى التليفون و ترغى فيه شوية.


جملتى الشهيرة معلش طولت عليكىبس اعمل ايه انا رغاية بطبعى و دى فرصة جميلة لمعرفتك
ريهام شاكر
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Dalia_Magdy



عدد المساهمات : 6
تاريخ التسجيل : 22/10/2009

مُساهمةموضوع: رد: إزاي بتنظمي يومك؟؟؟   الخميس ديسمبر 17, 2009 11:24 am

نصايحك جميلة اوي يا ريهام انشاء الله نجرب نطبقها
انا عندي بنت واحدة دانة في kg1 ومحتاسة عشان بشتغل وعلى طول بكوم غسيل ومواعين لبكرة وبكرة ده ساعات بيتأخر اوي Smile
واكتر مشكلة بالنسبة ليا الأكل عشان انا مش بحب المطبخ اصلا .. و في الويك اند ببقى عايزة اخرج وافسح دانه عشان طول الاسبوع معسكر عشان النوم بدري والمزاكرة فمش بلحق اعمل فيه حاجة خالص Smile وتلاقي الاسبوع اللي بعده دخل وهكذا Smile
ربنا يكون في عون اللي عنده اكتر من طفل فعلا Smile وربنا يعينا جميعا
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
omomar



عدد المساهمات : 18
تاريخ التسجيل : 15/11/2009

مُساهمةموضوع: رد: إزاي بتنظمي يومك؟؟؟   الأحد ديسمبر 20, 2009 4:54 pm

السلام عليكم
ربنا معاكي اختي الحبيبة
بصي انتي معاكي حق لأن ولادك سنهم محتاج منك رعاية خاصة للاتنين
وعايزة اقولك لما كان ولادي في نفس العمر وبينهم تلات سنين كانت المشكلة عندي مش التنضيف ولا الطبيخ
كانت المشكلة ان كل واحد عايز رعاية مستقلة
وكل واحد محتاج يحس انه انت بتحبيه
انا كنت كل اللي باعمله اني مع الصغير في الوقت الل بين رجوعي من الشغل الساعة 1 مثلا لحد الساعة 4 لما اخوه الكبير يجي من المدرسة
وكنت ظابطة معاد نوم الصغير قبل ما اخوه يجي على طول
وبكده يكون معايا على الاقل ساعة مع الكبير لوحده
وبعد ماي صحى الصغير نبدأ المناورات والمشاكل اليومية
بس مجرد ان كل واحد اخد شوية من وقتك لوحده دي بتريحك جدا انك تقولي للكبير مثلا انا كنت قاعدة بارغي معاك وباحكي
دلوقتي اخوك محتاج اني ااكله مثلا او حاجات من الجمل اللي تفهميه انه مش مفروض يكون الوقت كله ليه



طبعا مش حنتكلم على الزوج في الموضوع ده لانه موضوع تاني خالص عايز مواضيع لمناقشته Smile
ارجو اني اكون افدتك
بالتوفيق
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
Eman El serafi



عدد المساهمات : 7
تاريخ التسجيل : 22/11/2009

مُساهمةموضوع: رد: إزاي بتنظمي يومك؟؟؟   الإثنين ديسمبر 21, 2009 2:42 am

السلام عليكم

انا معجبة بنصائحك ياريهام اما بلنسبة لموضوع الغسيل انا كان عندى نفس المشكلة لحد مالقيت حل جميل قوى وهو انى اطبق الملابس وانا بشيلهم من على الحبل واصنفهم كل واحد فى البيت هدومة مع بعض والمكوا كمان لوحدها وادخل اضعهم فى الدولاب على طول حتى بيفضلوا مفرودين ودة كلة فى 10 دقائق فقط وجربى وادعيلى و مشكلة الغسيل خلصت

اختكم ايمان
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
omar



عدد المساهمات : 27
تاريخ التسجيل : 26/11/2009

مُساهمةموضوع: رد: إزاي بتنظمي يومك؟؟؟   الخميس ديسمبر 24, 2009 5:24 pm

السلام عليكم ورحمة الله وبركاتة

ماشاء الله نصائح ممتازة وانشاء الله سوف اقوم بتطبيقها جزء جزء لان يدوب ببدأ انظم وقتى لان عندى ولد اولى ابتدائى وبنت 3سنوات وبيبى شهر والله المستعان

وانشاء الله سوف ادعيلك لان بجد نصائح قيمة.................. I love you
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
moslemwriter



عدد المساهمات : 72
تاريخ التسجيل : 15/12/2009

مُساهمةموضوع: رد: إزاي بتنظمي يومك؟؟؟   الجمعة ديسمبر 25, 2009 3:22 am

انا موافقاكم فعلا نصايحك يا ريهام جميلة جداااااااااااااااااااااااااااااا
و ياريت لو حد تاني كمان يدينا أفكار

انا بصراحة باقول ان بجد تأخير عمل اليوم الي الغد بيبقي مشكلة كبيرة

يعني انا لو عندي هدوم هتتطبق أو مواعين أو اي حاجة و أتشغلت او تعبانة اقول خليها بكرة

احيانا تتظبط ماشي و احيانا كثيرة يتراكم الشغل و ممكن يقعد يومين او ثلاثة و فعلا الواحد لما بيبقي سريع و ينجز في لحظتها بيبقي سهل قوي

انا مثلا المواعين بالنسبة لي اول ما الاقي حاجة في الحوض اغسلها فورا و نادرا ما تتراكم عندي و دة طبعا أسهل بكثير

مستنيين ردود أكثر و افكار أكثر و جزاكم الله خيرا I love you
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
moslemwriter



عدد المساهمات : 72
تاريخ التسجيل : 15/12/2009

مُساهمةموضوع: رد: إزاي بتنظمي يومك؟؟؟   الثلاثاء يناير 05, 2010 12:50 pm

ازيكم جميعاااا


ياتري بتقضوا قد إية وقت كل يوم في المذاكرة حاليا مع جلوس الاولاد في البيت

انا بنتي في اولي ابتدائي و عاوزة اعرف اللي نفس المرحلة بيقعدوا قد اية؟ و هل بتخلوا كل يوم مادة و لا بتراجعوا كذا مادة في نفس اليوم؟؟؟؟؟؟؟؟؟؟؟؟؟؟؟؟؟؟؟؟؟

جزاكم الله خيرا
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
إزاي بتنظمي يومك؟؟؟
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى معهد الغد المشرق الأزهري :: موضوعات المنتدى :: للأمهات فقط-
انتقل الى: